本文執筆之時，湖北省武漢市為收治新型冠狀病毒感染肺炎嘅兩間專科醫院，都已經完工並開始收症。兩間火速建成嘅醫院，名為火神山嘅位於知音湖畔。一月二十三日武漢市政府宣布興建，二月二日完工，二月四日早上開始正式接收首批新型肺炎確診患者。解放軍抽調一千四百名醫護人員，承擔醫療任務。

        火神山醫院建築面積超過三萬平方米，提供一千張病床。設有病房、接診室、深切治療部及醫技部等。

       而另一間臨時醫院名為雷神山，位於武漢市江夏區，市政府喺一月二十五日決定建設。工程原計劃分為兩期，後改為一期二期同步建設，容量比火神山醫院更大。從二月六日開始收治病人。雷神山醫院總建築面積近八萬平方米，分為醫療隔離區、醫護人員生活區、綜合後勤區三大分區，可容納二千餘名醫護，病床共一千六百張。

       呢兩間醫院嘅建築速度，真係非常驚人！雖然話有最新嘅模塊式建築技術，但係想像下咁大嘅兩幅地盤，要喺咁短時間內搞好平整、地基、排污、供水、供電、供氣等等工程基建，係非常複雜兼困難嘅。另外還需要4G5G嘅通訊設備與網絡，及安裝各種各樣先進嘅醫療設備、手術設備、衞生防護等，其中工程難度，不容低估。從規劃、設計、選材、採購、施工、調試、驗收等等步驟，要集合統籌各類專業人才及技術人員，通力合作。不但工程難度高，供應鏈管理困難，而整體協調工作，更極不簡單。老實講，咁複雜咁龐大嘅醫院，可以喺十日完成，實在超乎我地嘅想像！

       誠心祈望喺大家齊心努力下，疫情盡快受控，人民生活盡快回復正常。